Homepage E-mail Contacts
«Կենգուրու 2019»-ը տեղի կունենա մարտի 21-ին:


«Կենգուրուի» մասին

Խնդիրներ

Երեխաներին+ծնողներին

Դպրոցներին

Հովանավորներին

Հղումներ և
ռեսուրսներ

Ֆորում



«Կենգուրու 2019»-ը տեղի կունենա մարտի 21-ին:

Ուրախությամբ հայտնում ենք, որ այս տարի «Կենգուրուին» մասնակցելու համար գրանցվել է ավելի քան 38 900 աշակերտ Հայաստանի և Արցախի 1037 դպրոցներից: Այս տարի «Կենգուրու» մրցույթը ՀՀ-ում անցկացվում է արդեն 11-րդ անգամ, իսկ Արցախում՝ 9-րդ անգամ:




Մասնակից դպրոցները «Կենգուրու 2019»-ի մրցութային փաթեթները կարող են վերցնել տարածքային կենտրոններից մրցույթի օրը՝ մարտի 21-ին, առավոտյան ժամը 10:00-ից սկսած: Մրցույթը պետք է սկսել անցկացնել ժամը 12:00-14:00-ի ժամանակահատվածում և մրցույթի ավարտին մասնակից աշակերտների պատասխանների թերթիկները վերադարձնել նույն տարածքային կենտրոն նույն օրը` մարտի 21-ին, մինչև ժամը 17:00-ն:

Տարածքային կենտրոնների ցանկը կարող եք տեսնել այստեղ: Հայտագրված բոլոր դպրոցներին խնդրում ենք ցանկում նայել, թե որտեղից են վերցնելու իրենց մրցութային փաթեթը: Հարցեր ունենալու դեպքում խնդրում ենք կապվել ձեր մարզի մարզային համակարգողի հետ:



Ստորև բերում ենք «Կենգուրու 2019»-ին մասնակցելու հրավեր-փաթեթը, որը պարունակում է դպրոցի հայտի ձևը, մրցույթի մեկնարկի պաստառը և այլ անհրաժեշտ տեղեկություններ:

1. Նամակ դպրոցի տնօրենին

2. «Կենգուրու 2018»-ի հակիրճ նկարազարդ ամփոփում
Սիրով ներկայացնում ենք անցյալ տարվա մրցույթի հիմնական արդյունքներն ու ձեռքբերումները:

3. Ուղեցույց դպրոցների համար
Այստեղ, հեշտության համար, քայլ առ քայլ ներկայացված են դպրոցի պատասխանատուի անելիքները` ըստ ժամանակացույցի:

4. Դպրոցի հայտի ձև

5. A3 չափի պաստառ

6. Մասնակցության վճարը կատարելու համար անհրաժեշտ բանկային վավերապայմաններ

7. «Թել-ՍԵԼ» տերմինալով վճար կատարելու ուղեցույց

8. «Այբ»-ի մրցույթների օրացույց
2019 թվականի օրացույց` դպրոցների համար:

Հրավեր-փաթեթում ներառված ամբողջ ինֆորմացիան կարող եք տեսնել նաև` այցելելով Հղումներ և ռեսուրսներ բաժին:

Կրկին շնորհավորում ենք «Կենգուրու 2018»-ի 10 հաղթողներին, բոլոր մասնակից 43 941 աշակերտներին և 1070 դպրոցներին: Մրցույթին մասնակցած 3-12-րդ դասարանների 1646 մրցանակակիր աշակերտներից 846-ը գրանցել են լավագույն արդյունք և արժանացել պատվոգրի: Նշենք, որ մասնակից բոլոր 1070 դպրոցներն ունեցել են առնվազն մեկ մրցանակակիր:


2018 թվականը հիշարժան էր ոչ միայն իր արդյունքներով, այլ մեր երկրի գլխավոր պաշտոնյային հյուրընկալվելու գեղեցիկ ավանդույթով և «Կենգուրուի» 10-ամյակը նշելու միջոցառմամբ:

Գիտելիքի օրվան ընդառաջ երկրի գլխավոր պաշտոնյան` Հայաստանի Հանրապետության վարչապետ Նիկոլ Փաշինյանը հյուրընկալեց «Կենգուրու 2018»-ի հաղթողներին, ՀՀ յուրաքանչյուր մարզում և Արցախում, ինչպես նաև յուրաքանչյուր տարիքային խմբում լավագույն արդյունք ցուցաբերած մրցանակակիրներին:

Վարչապետը շնորհավորեց երեխաներին, մաղթեց նորանոր ձեռքբերումներ և հանձնեց իրենց հավաստագրերն ու մեդալները:


2018 թ.-ի հոկտեմբերի 28-ին «Այբ» կրթական հիմնադրամը Երևանի Շառլ Ազնավուրի անվան հրապարակում անցկացրեց բաց միջոցառում՝ նվիրված «Կենգուրու» միջազգային մաթեմատիկական մրցույթի՝ Հայաստանում անցկացման տասնամյակին։

Միջոցառման ընթացքում հյուրերը ներգրավվեցին փոխգործուն խաղերում ու հետաքրքիր հարցախաղերում, մասնակցեցին պարի վարպետության դասերի, վայելեցին պարային և երաժշտական ելույթներ։ Նկարում «Կենգուրուի» բոլոր 10 տարիների հաղթողներն են:


«Կենգուրու 2018»-ի մանրամասն արդյունքները, մրցանակակիր աշակերտների և դպրոցների անունները կգտնեք մեր կայքէջի Հղումներ և ռեսուրսներ բաժնում:

Ահա «Կենգուրու 2018»-ի հաղթողները`

ԱԼԵՆ ԽԵՉՈՅԱՆ
ք. Նոր Հաճն
Նոր Հաճնի թիվ 1 հիմնական դպրոց
3-րդ դասարան

ԱՐԱՄ ԿԱՐԱՊԵՏՅԱՆ
ք. Եղեգնաձոր
Եղեգնաձորի թիվ 1 հիմնական դպրոց
4-րդ դասարան

ԴԱՎԻԹ ԶԱՔԱՐՅԱՆ
ք. Աբովյան
Աբովյանի կրթահամալիր
4-րդ դասարան

ՄԵՐԻ ՄԻՆԱՍՅԱՆ
գ. Այգեզարդ
Այգեզարդի Ա. Ղարիբյանի անվան միջնակարգ դպրոց
4-րդ դասարան

ՆԱՐԵ ՍՄԲԱՏՅԱՆ
ք. Երևան
Երևանի թիվ 197 հիմնական դպրոց
4-րդ դասարան

ՎԱՀԱՆ ԱԲՐԱՀԱՄՅԱՆ
ք. Երևան
Վազգեն Առաջինի անվան թիվ 168 հիմնական դպրոց
4-րդ դասարան

ԼԻԼԻ ԹԱՐԽԱՆՅԱՆ
ք. Երևան
«Այբ» դպրոց
6-րդ դասարան

ԱՐԱՅԻ ԽԱԼԱԹՅԱՆ
ք. Երևան
«Քվանտ» վարժարան
8-րդ դասարան

ԱՐՇԱԿ ԵՍԱՅԱՆ
ք. Երևան
ԵՊՀ-ին առընթեր Ա. Շահինյանի անվան
ֆիզիկամաթեմատիկական հատուկ դպրոց
8-րդ դասարան

ԷՐԻԿ ՄԵԼԻՔՅԱՆ
ք. Վանաձոր
Պ. Տիչինայի անվան թիվ 20 միջնակարգ դպրոց
8-րդ դասարան

Շնորհավորում ենք բոլոր տասը աշակերտներին փայլուն հաղթանակի և բացառիկ ձեռքբերման համար:

Եվս մեկ անգամ շնորհավորում ու շնորհակալություն ենք հայտնում բոլորին այս մեծ իրադարձության հաջող կազմակերպման ու անցկացման համար: Ուրախ ենք և ոգևորված, որ անցյալ տարիներին մրցույթին մասնակցած դպրոցներն ու աշակերտներն այս տարի ևս «Կենգուրուի» հետ էին: Սիրով ողջունում ենք նաև մեզ միացած նոր դպրոցներին ու աշակերտներին:

Սիրով հրապարակում ենք «Կենգուրու 2018» մրցույթի մրցանակակիրների անունները:


Ստորև բերում ենք «Կենգուրու 2018» մրցույթի մասնակից դպրոցների ցանկը՝ ըստ մարզերի:


«Կենգուրու 2018»-ի մանրամասն արդյունքները, մրցանակակիր աշակերտների և դպրոցների անունները կգտնեք նաև մեր կայքէջի Հղումներ և ռեսուրսներ բաժնում:


Ուրախալի լուր: Վաճառքում են «Կենգուրուի» ինը խնդրագրքերը, որոնցում ներառված են 2008-2017 թթ. ավելի քան 1400 խնդիրները՝ իրենց լուծումներով: Դրանք կարող են ծառայել որպես օժանդակ նյութ՝ արտադասարանային պարապմունքներ անցկացնելու և «Կենգուրուին» և մաթեմատիկայի այլ մրցույթներին նախապատրաստվելու համար:

«Կենգուրուի» խնդրագրքերը կարելի է ձեռք բերել Երևանի և Հայաստանի այլ քաղաքների գրախանութներից: Ուզում ենք հատուկ նշել, որ բոլոր ութ խնդրագրքերում ներառված տասը տարիների (2008-2017 թթ.) խնդիրներն էլ հավասարապես օգտակար են «Կենգուրու» մրցույթին պատրաստվելու համար:


«Կենգուրուի» կազմակերպմանն ու անցկացմանն առնչվող նյութերը կարող եք տեսնել` այցելելով Հղումներ և ռեսուրսներ բաժին:


Մրցույթի և խնդիրների հետ կապված հարցերն ու առաջարկները գրեք մեր kangaroo@@@ayb.am էլհասցեին (ուղարկելիս @@@-ի փոխարեն գրեք միայն մեկ @). մենք սիրով կպատասխանենք բոլոր հարցերին և կդիտարկենք առաջարկները:


Սպասում ենք ձեզ նաև «Այբ» կրթական հիմնադրամի «Այբ» մրցույթներ Facebook-յան էջում, որտեղ բոլորս կարող ենք ազատ շփվել, հայտնել կարծիքներ, քննարկել նախորդ տարիների խնդիրները, պարզաբանել «Կենգուրու 2019»-ի հետ կապված կազմակերպչական հարցեր:



Սիրով՝ Կենգուրու